بمناسبة موسم التزاوج اللى احنا فيه.

بمناسبة موسم التزاوج اللى احنا فيه. أينشتاين مع زوجته . في البداية كان متجوزها عن حب بعدين الحب قل وكرهها لدرجة إنه عمل معاها إتفاق رسمي على ورق ممضي إنها حرفيًا متكلموش كلمة واحدة طول ما هم قاعدين في البيت ولا تتفاعل معاه ويعتبروا بعض أشباح، يمروا من جنب بعض في البيت محدش فيهم يكلم التاني كلمة واحدة، وبعد معاناة طويلة تم الطلاق ودفع لها جميع أموال جايزة نوبل بتاعته فوريًا كتسوية عن الطلاق وكان سعيد جدًا.
.سقراط نجح في تأسيس الفلسفة وفشل في الجواز، أتاتورك نجح في تأسيس تركيا الحديثة كلها ووضعها على مسار إنها تكون دولة أوروبية وفشل في الجواز، تيودور هرتزل نجح في عمل حاجة محدش يتخيلها، تأسيس إسرائيل وفشل في الجواز، ليوناردو ديكابريو نجح في إنه ميعملش أي فيلم وحش وفشل في الجواز، والأخوان رايت نجحوا في عمل الطيارات وفشلوا في الجواز، وأينشتاين نجح في تأسيس الفيزيا الحديثة ويبقى أذكى واحد في العالم وفشل في الجواز، ومن قبله نيوتن ومن بعده ستيفن هوكنج، ودانتي نجح في إنه يبقى أشهر شاعر في التاريخ وفشل في الجواز، ونابليون نجح في إحتلال أغلب أوروبا وأجزاء كبيرة من العالم ومحصلوش مشكلة كبيرة إلا من علاقته العاطفية مع جوزيفين. فلو كنت/ي أتجوزت/ي وكملت الزواج للنهاية تأكد أنك أعظم من كل الناس دي بشكل ما، لأن الجواز شكله أصعب من كل إللي عملوه.