مميزات نظام تشغيلها الجديد Windows10 S التى أطلقته شركة Microsoft

أطلقت شركة Microsoft امبارح نظام تشغيلها الجديد Windows10 S - مبدئيا كده يُقال حرف ال S بيشير ل كلمة "Speed"

المزايا 😁 : -

1- النظام متصمم خصيصا عشان يأدي بشكل أسرع من كل إصدارات Windows10 الحالية. - الشركة بتعتبره Lightweight OS.

2- بيحتاج Hardware Configuration أقل أو متطلبات تشغيل أقل - ممكن تشغله على جهاز رخيص .. قديم نوعا ما.

3- إستهلاك بطارية أقل - عمر بطارية أطول لكل عملية شحن.

4- ال Security - ميكروسوفت بتقول إن النظام ده جاي مع تعزيزات أمنية أقوى من الإصدارات السابقة - إلا إن بعضها [[مش]] هيعجبكم زي ما هنعرف كمان شوية.

5- تعزيزات جديدة عالية من ميكروسوفت ل متصفحها Microsoft Edge "ده على حد كلامهم".

6- مبني على Windows10 Pro Core - مش Windows10 Home Core - كما كان متوقع من أول وهلة - و ده بيضمن أداء أعلى و Features أكتر.

---------------------------

ال Limitations - الأخبار السيئة 😐 :-

1- برامجك كلها من Windows Store خلاص - مفيش حاجة اسمها انك تسطب أي EXE Package بنفسك - ولا حتى تعريفات !

ده معناه إن حاليا مفيش Google Chrome, Firefox ولا iTunes حتى - حرفيا مش هيكون متاحلك تستعمل أي حاجة مش موجوده ف ال Store ! - ربما ده سبب منطقي لإنهم يمنشنو تعزيز ال Edge ف التقديم اللي عملوه لأنه مبدئيا هيكون المتصفح الوحيد اللي هتقدر تعتمد عليه ف استخدامك ل Windows10 S - حتى إشعار آخر!

حتى التعريفات - Windows10 S هيعتمد في تعريفاته على Windows10 Drivers Database - مش على أي تعريفات هتسطبها بنفسك زي ما قلنا قبل كده.

ده معناه ان لو جهازك بيحتاج تعريفات مش متاحه ف ال Database بتاعت ميكروسوفت دي - ف مش هتقدر بكل بساطة تعمللها install خلاص !

2- ميكروسوفت أعلنت كمان ان ال Search Engine الرسمي للجهاز عموما هيكون Bing أبو دم خفيف 😬 - هتقدر تتصفح Google طبعا عادي - ده موضوع تاني - قالوا كمان ان لو Bing مش متاح هيبقا في خيارات تانية - بس مفيهاش Google برضو - أهو رخامة كده 😂

3- شالو منه طبعا شوية features زي Hyper-V و Windows Subsystem for Linux - و شوية حاجات تانيين متوقع إنها مش هتكون فعلا محل اهتمام من ال User العادي.

---------------------------

الفكرة منه بشكل أساسي هي إن ميكروسوفت بتحاول تنافس ف ماركت ال Chromebooks بتاعت Google - عن طريق إنها تنزل Compact & Lightweight OS - متطلبات تشغيله أقل - إستهلاكه للبطارية أقل - بيرضي متطلبات المستخدم العادي.

و نزلت معاه كمان ال Laptop Surface الجديد بتاعها - تقدر تقول ان ده أول شبيه لل ChromeBook بطريقة ميكروسوفت و شخصيتها الخاصة.

دا غير ان في كذا Manufacturer تاني أو شركات مصنعة - قررت إنها تنزل أجهزة مع Windows10 S installed - أولها كانت HP - و قالت انها هتبدأ ب 4 موديلات على الطريقة دي.

لينك ال Windows10 S Introduction من ميكروسوفت :https://www.microsoft.com/en-us/windows/windows-10-s

لينك ال Surface Laptop Introduction : https://www.microsoft.com/…/windows/featured…/surface-laptop

لينك المقال بتاع Forbes عن الموضوع : https://www.forbes.com/…/windows-10s-windows-10-s-vs-wind…/…

تابعونا دايما و خلونا ف ال See First : WiRE Microsystems : ) )

#Windows10_S #Surface_Laptop #ChromeBook
#Connecting_Imagination_to_Reality